Медведев Россиядән китеп, илгә җиңелү теләгәннәргә кире кайту шартларын әйтте
Россиягә махсус операциядә җиңелү теләгән кешеләргә үз гаепләрен таныганнан соң гына илгә кайтырга мөмкин булачак. Бу хакта Иминлек Советы Рәисе урынбасары Дмитрий Медведев Үзенең Телеграм-каналында яза дип хәбәр итә РИА Новости.
Сәясәтче оппозиционерлар инде йөз ел элек тә илгә Беренче бөтендөнья сугышында җиңелү теләгән һәм бу ике революциягә һәм канкойгыч Гражданнар сугышына китерде, диде.
Хәзер хөкүмәт адресына кабат илдән китүчеләрнең каргышы ява, алар еш кына хәзерге Россияне юкка чыгару турында хыялларын әйтә, диде Дмитрий Медведев.
Аның фикеренчә, мондый кешеләрне җәмгыять дошманнары дип карарга кирәк һәм бу аларга карата административ яки җинаять эшләре ачылу-ачылмауга бәйле булырга тиеш түгел. Моннан тыш, алар өчен Россиядән нинди дә булса табыш алу мөмкинлеген тулысынча бетерергә кирәк.
«Мондый кешеләр ачыктан-ачык тәүбә иткән очракта, ә тиешле очракларда амнистия яки ярлыкау булганда гына кире кайтырга мөмкин», – диелә хәбәрдә.
Шул ук вакытта Медведев мондый кешеләргә кайтып йөрмәү яхшырак, дип тә өстәгән.